|
Do kom ich vo der Koppe roo,
Kault bis aj a Petzer noo,
Om Petzer wor nej maj Verlanga,
Bin ich wieder wetter ganga.
Trada - Bums dijee (3 mal)
Of der Appe is wull schien,
Wenn die Lajt meda Kasa giehn,
Hie on har dos is a Graus,
Stonda alt zerplomtes Haus.
Bei der Höherbrecke, stieht n Jompfer mem Recke
Hot a Freier bei der Hand
S hot rn enner weggerannt.
Aj dam liewa Donklthol
Sein die Stroßa gor zo schmol,
Wullta zwiene fechta giehn.
Mußt enner aj der Appe giehn.
Aj der Plotzschenke kaaft ich mr n Wurscht,
Kriecht ich gor vervochta Durscht,
Kaaft mo noch a klejbes Bier,
verlangta gor zo viel vo mir.
Aj da liewa Buchtlpfetze,
Wor dos Bier halt gar nej schnetze,
Ich mußte zwiene Sechser gahn,
Doß ich kunnt a Brajer sahn.
|
Aj dam liewa zwejta teil, hot´s a grußes Haus,
Uwa tschuckt der Künich raus,
On doß Niemand irre thot,
S ´is da, dare kej Land nej hot.
Aj dam liewa irschta tejl,
Stieht der Jude vurne hassa,
Kemmt die Klara hendadrei,
Stoppt om David s Hemde naj.
Aj der Buch is wull schien,
Weil die Medlan barwes giehn,
Om Wenter hon se Schuhe oo,
Ower kejne Sohla droo.
Bei der Hommerbrecke hot´s zwej schiene Töchter,
Sein grod wie zwej Kerchalechter,
On da liewe Buschtahender,
J´s a rechter Drummlschender.
Aj dr Altstoodt hot mr´s siehr gefolla,
S is dr schienste Urt vo Olla,
Menschta sich met vuller Pracht,
Medam Knettl gude Nacht.
Aj Trautna drenn om Rengplotz donda,
Sein die Stejne ogebonda,
Ich sooch´s wie ich wullt noch am Hunde schmeißa,
Dar mich wullt aj die Bejne beißa.
|